యూరోపియన్ పదార్థాలతో భారతీయ రుచులకు కొత్త అందం..
న్యూఢిల్లీ: భారతీయ సాంప్రదాయ రుచులకు యూరోపియన్ నాణ్యమైన ఆహార పదార్థాలను జోడిస్తూ రూపొందించిన ‘ఎ టేస్ట్ ఆఫ్ హోమ్ విత్ ఈయూ తడ్కా’ వంటల పుస్తకాన్ని న్యూఢిల్లీలోని ది ఒబెరాయ్ హోటల్లో ఘనంగా ఆవిష్కరించారు. యూరోపియన్ యూనియన్ నిర్వహిస్తున్న ‘మోర్ దాన్ ఫుడ్’ ప్రచార కార్యక్రమంలో భాగంగా ఈ కార్యక్రమం నిర్వహించబడింది.
ఈ కార్యక్రమానికి ప్రముఖ చెఫ్లు అజయ్ చోప్రా, గుంటాస్ సేథీ ఆతిథ్యం వహించగా, యూరోపియన్ పదార్థాలతో భారతీయ సంప్రదాయ వంటకాలను కొత్త కోణంలో పరిచయం చేసే ప్రత్యేక ఫుడ్ టేస్టింగ్ అనుభూతిని అతిథులకు అందించారు.
కార్యక్రమంలో భాగంగా గ్రీకు ఎక్స్ట్రా వర్జిన్ ఆలివ్ ఆయిల్, జర్మన్ తేనెతో తయారు చేసిన అప్రికాట్ & నెక్టరిన్ చాట్, ఇటాలియన్ టోస్కానో పీజీఐ ఆలివ్ ఆయిల్, ఇటాలియన్ నిమ్మకాయ, ఫ్రెంచ్ షాలోట్స్తో తయారైన టోర్టా ఎస్పాగ్నోల్, స్పానిష్ ఆలివ్ ఆయిల్, డానిష్ బటర్తో రూపొందించిన క్రిస్పీ చికెన్ ష్నిట్జెల్, అలాగే చెఫ్ గుంటాస్ సేథీ ప్రత్యేకంగా రూపొందించిన చిక్కీ ఫడ్జ్ కేక్ అతిథులను ఆకట్టుకున్నాయి.
ఈ సందర్భంగా నిర్వాహకులు మాట్లాడుతూ, యూరోపియన్ డెయిరీ ఉత్పత్తులు, ఆలివ్ ఆయిల్స్, మాంసాహార ఉత్పత్తులు, తాజా పండ్లు, కూరగాయలు వంటి పదార్థాల నాణ్యత, ప్రామాణికత, వైవిధ్యాన్ని భారతీయ వంటకాలతో మేళవించి పరిచయం చేయడమే ఈ పుస్తకం లక్ష్యమని తెలిపారు. యూరోపియన్ ఆహార సంస్కృతి, భారతీయ సంప్రదాయ రుచుల మధ్య అనుబంధాన్ని ఈ వంటల పుస్తకం ప్రతిబింబిస్తుందని పేర్కొన్నారు.
