న్యూఢిల్లీ: రీ-నీట్ యూజీ 2026 ఫలితాల కోసం దేశవ్యాప్తంగా లక్షలాది మంది విద్యార్థులు ఆసక్తిగా ఎదురుచూస్తున్నారు. ఈ నేపథ్యంలో ఈ రాత్రే ఫలితాలు విడుదలయ్యే అవకాశం ఉందంటూ పలు మీడియా కథనాలు వెలువడుతున్నాయి. అయితే ఫలితాల విడుదల తేదీ, సమయంపై నేషనల్ టెస్టింగ్ ఏజెన్సీ (NTA) ఇప్పటివరకు ఎలాంటి అధికారిక ప్రకటన చేయలేదు.
ఫలితాలు ప్రకటించిన వెంటనే అభ్యర్థులు అధికారిక వెబ్‌సైట్‌లో తమ అప్లికేషన్ నంబర్, ఇతర లాగిన్ వివరాలతో స్కోర్‌కార్డును డౌన్‌లోడ్ చేసుకోవచ్చు. స్కోర్‌కార్డులో అభ్యర్థి మార్కులు, పర్సంటైల్, ఆల్ ఇండియా ర్యాంక్ (AIR), అర్హత స్థితి వంటి వివరాలు ఉంటాయి. అధికారిక ప్రకటన వచ్చే వరకు విద్యార్థులు NTA వెబ్‌సైట్‌ను ఎప్పటికప్పుడు పరిశీలించాలని అధికారులు సూచిస్తున్నారు.