గచ్చిబౌలిలోని ఎజెన్ డేటా ప్రైవేట్ లిమిటెడ్లో సైబరాబాద్ SHE టీమ్స్, SCSC సంయుక్త ఆధ్వర్యంలో వర్క్ప్లేస్ సేఫ్టీ & సెల్ఫ్-డిఫెన్స్ అవగాహన వర్క్షాప్ నిర్వహించారు. ఆగస్టు 13న జరిగిన ఈ కార్యక్రమంలో 100 మందికి పైగా ఉద్యోగులు పాల్గొన్నారు.
మహిళల భద్రత, స్వీయ రక్షణ, పరిస్థితులపై అప్రమత్తత, వేధింపులపై ఫిర్యాదు చేసే విధానం, స్టాకింగ్ను ఎదుర్కొనే చర్యలు, అత్యవసర సమయంలో అందుబాటులో ఉండే సహాయ వ్యవస్థలపై అవగాహన కల్పించారు.
కరాటే మాస్టర్ డాక్టర్ రవి ఆధ్వర్యంలో ఉద్యోగులకు ప్రాక్టికల్ సెల్ఫ్-డిఫెన్స్ పద్ధతులు, ప్రత్యక్ష శిక్షణా డ్రిల్స్ నిర్వహించారు. SCSC డైరెక్టర్ రష్మి పరిశ్రమలు–పోలీసుల సమన్వయం, సేఫ్ సిటీ కార్యక్రమాల ప్రాధాన్యతను వివరించారు.
SHE టీమ్స్ ఎస్ఐ అంబిక మహిళల భద్రతకు సంబంధించిన అంశాలు, పోలీసుల ద్వారా అందుబాటులో ఉన్న సహాయ సేవలపై ఉద్యోగులకు అవగాహన కల్పించారు.
అనంతరం నిర్వహించిన ఇంటరాక్టివ్ ప్రశ్నోత్తర కార్యక్రమంలో ఉద్యోగులు పలు సందేహాలను నివృత్తి చేసుకున్నారు. కార్యాలయంతో పాటు బహిరంగ ప్రదేశాల్లోనూ అప్రమత్తంగా, ఆత్మవిశ్వాసంతో, సురక్షితంగా ఉండేలా ఈ కార్యక్రమం ఉద్యోగులను చైతన్యపరిచింది.
“సురక్షితమైన రేపటి కోసం సాధికారత” అనే లక్ష్యంతో సైబరాబాద్ పోలీసుల ఆధ్వర్యంలో ఇటువంటి అవగాహన కార్యక్రమాలు కొనసాగుతున్నాయి.